Málik Ǵabdýllın týraly albom-kitap jaryq kórdi
KÓKShETAÝ. QazAqparat - Kókshetaýda «Rýhanı jańǵyrý» baǵdarlamasyn júzege asyrý sheńberinde Keńes Odaǵynyń batyry, akademık, pedagog, jazýshy Málik Ǵabdýllınniń ómiri men qyzmeti týraly albom-kitap jaryq kórdi, dep habarlaıdy QazAqparat tilshisi.
Atalmysh kitaptyń tusaýkeserine shyǵarmashylyq jáne ǵylymı ıntelegentsııa ókilderi, qoǵam qaıratkerleri qatysty.
«Málik Ǵabdýllın - qazaqtyń Oqjetpesi» atty joǵary sapaly ıllıýstratsııalanǵan basylym 1000 dana tırajben Almaty qalasynda bastyryldy. Aqmola oblysynyń ákimi Málik Myrzalın óziniń quttyqtaý sózinde ataqty jerlesimizdiń biregeı murasyn keńinen tanytýdyń mańyzdylyǵyna nazar aýdartty.
Sonymen qatar, óńir basshysy kelesi jyly Málik Ǵabdýllın murajaıynyń ekspozıtsııalyq zaldaryna rekonstrýktsııalaý jumystary júrgiziletinin atap ótti.
M.Ǵabdýllın ómiriniń eń qyzyqty sátterimen jáne faktilerimen «Altyn kitap» baspa úıiniń dırektory Vıacheslav Tıtenev bólisti.
«Málik Gabdýllın naǵyz otansúıgish, patrıot boldy. Ol Otanymyzdy gúldendirý jolynda aıanbaı eńbek etti. Er esimi - el esinde. Onyń esimi urpaqtan urpaqqa jetedi. Kitapty qurastyrýshylar naǵyz jarqyn tulǵa, talantty jáne erjúrek adamdy kórsetýge tyrysty. Munda eń úzdik mátinder, úzdik fotosýretter men úzindiler berilgen», - dedi ol.
Sonymen qatar, jazýshy, dramatýrg, «Aqmola-Tirshilik» JShS basshysy Jabal Erǵalıev jáne M.Ǵabdýllın murajaıynyń dırektory Qudaıberli Myrzabek sóz sóıledi.
Esterińizge sala keteıik, ústimizdegi jyldyń jazynda Kókshetaýda Málik Ǵabdýllın shyǵarmalarynyń 11 tomdyǵy basylyp shyǵarylǵan bolatyn.
