Malıdegi Radisson Blu qonaq úıine shabýyl kezinde ajal qushqan 6 reseıliktiń máıiti eline jetkizildi
ASTANA. QazAqparat - Malı astanasynda ekstremısterdiń shabýyly saldarynan qaza tapqan "Volga-Dnepr" áýe kompanııasynyń alty qyzmetkeriniń máıitterin jeksenbi kúni Ýlıanovske jetkizdi, dep habarlady Interfaks.
"Bort Ýlıanovsk áýejaıyna kelip qondy. Máıitterdi aımaqtyq sot medıtsınalyq saraptama bıýrosyna jetkizedi. Ol jerge tergeýshiler, krımınalıster men qaza tapqandardyń týystary barady. Aldymen taný úderisi, keıin sot medıtsınalyq saraptama júrgiziledi", - dedi agenttikke quqyq qorǵaý organdaryndaǵy aqparat kózi.
Qaza tapqandardy jerleý rásimi dúısenbi Ýlıanovsk pen Tómengi Novgorodta ótedi.
Juma, 20 qarashada Bamakoda qarýlanǵan sodyrlar Radisson Blu qonaq úıine shabýyl jasap, 170 adamdy tutqynǵa aldy.
Malı arnaıy qyzmeti qonaq úıdi basyp alyp, tutqyndardyń kóbi bosatyldy. Alaıda 19 adam qaza tapty. Reseı SІM resmı ókili Marııa Zaharova habarlaǵandaı, 13 sheteldikpen birge 6 reseılik ajal qushty.
