Malıdegi lańkestik shabýyldan BUU-nyń eki bitimgeri qaza tapty
ASTANA. QazAqparat - Malıdiń soltústiginde avtokóliktiń jarylýynan BUU-nyń eki bitimgeri qaza taýyp, taǵy toǵyzy jaraqattandy. Qaza bolǵandardyń ulty jarııalanbaı otyr, dep habarlaıdy ITAR-TASS.
Habarlamada kórsetilgendeı, lańkes jarylǵysh zattarmen toltyrylǵan kólikpen Ber eldi mekeninde ornalasqan BUU-nyń patrýldik bazasyna jaqyn kelip, jarylǵysh zatty iske qosqan.
Búgingi shabýyl ótip bara jatqan aptada oryn alǵan úshinshi ári eń úlken jarylystardyń biri. Olardy osy afrıkalyq memlekettegi BUU-nyń halyqaralyq kontıngentine qarsy radıkaldy ıslamdyq toptar jasap otyr. Sońǵy birneshe kúnde Malıde taǵy úsh bitimger aýyr jaraqattar alǵan bolatyn.
