Malıde kemege shabýyl jasalyp, 49 beıbit turǵyn qaza tapty
MALI. QazAqparat – Malıdiń soltústik-shyǵysynda sodyrlar ózen boıymen ketip bara jatqan kemege shabýyl jasap, keminde 49 beıbit turǵyn qaza tapty, dep habarlaıdy QazAqparat BBC agenttigine silteme jasap.
Sondaı-aq sodyrlar áskerı lagerge shabýyldap, 15 sarbazdy mert qylǵan, al sodyrlardan 50-ge jýyq adam qurban bolǵan.
Osyǵan baılanysty elde úsh kúndik qaraly kún jarııalandy.
«Qarýly terrorlyq top Nıger ózeniniń boıymen Gaodan Moptı qalasyna qaraı ketip bara jatqan kemege shabýyldaǵan» delingen Malı armııasynyń derekterinde.
Keme operatory Comanav AFP aqparat agenttigine kemege 3 zymyran atylǵanyn habarlady. Torrorshylar qozǵaltqyshty dáldegen.
Malı 2020 jyldan beri hýntanyń qol astynda.
Hýnta eks-prezıdent Ibragım Býbakara Keıtaǵa qarsy jasalǵan buqaralyq narazylyq sharalarynan keıin halyqtyń basym qoldaýyna ıe bolǵan.
Qolda bar málimetterge qaraǵanda Malıdiń is basyndaǵy áskerı bılik eldiń keıbir bólikterin baqylap otyrǵan terrorshylarymen kúreste aıtarlyqtaı jetistikke qol jetkize almady.
