Malıden halyq údere kóship jatyr
ASTANA. KAZIMNFORM - Malıdiń myńdaǵan turǵyny buryn-sońdy bolmaǵan zorlyq-zombylyqtan qashyp, kórshi Mavrıtanııaǵa ótip jatyr. El úkimet áskeri, sheteldik jaldamaly kúshter jáne «Ál-Kaıda» men DAISh-pen baılanysy bar radıkaldy toptar arasyndaǵy qaqtyǵys alańyna aınaldy, dep habarlaıdy Aljazeera.
Beıbit turǵyndar jappaı jazalaý, azaptaý men tonaý derekteri týraly aıtyp jatyr. Quqyq qorǵaýshylardyń málimetinshe, ári ásker, ári qarýly toptar ujymdyq jazalaý taktıkasyn qoldanyp jatyr. Sonyń saldarynan qarapaıym halyqtyń turmysy adam tózgisiz deńgeıge jetken. Ótken aıda halyqaralyq uıymdar Afrıka odaǵynyń sotyna talap-aryz joldap, Malı bıligi men olardyń odaqtastaryn adam quqyqtaryn óreskel buzdy dep aıyptady.
Óńirdegi jaǵdaı kúrdeli:
• 2023 jyldyń sońynan beri Mavrıtanııaǵa 100 myńnan astam adam bas saýǵalaǵan.
• Bosqyndardyń basym bóligi – áıelder men balalar, olar negizgi resýrstarǵa qol jetkize almaı otyr.
• Bosqyndar lagerleriniń ınfraqurylymy shamadan tys júktelgen, al halyqaralyq donorlar kómegi qysqaryp keledi.
Osyǵan deıin Malıde qarýly toptar jappaı shabýyl bastaǵany týraly jazdyq.
