Malıde BUU mıssııasyna jasalǵan shabýyl saldarynan bir bitimger qaza tapty
ASTANA. QazAqparat - Malıde BUU bitimgerler lagerine jasalǵan shabýyl saldarynan bir adam qaza tapty jáne taǵy segizi jaraqattandy, dep habarlady eldegi BUU mıssııasynyń baspasóz hatshysy Olıve Salgado.
Bul týraly Bı-bı-sı jazady.
Belgisiz sodyrlar eldiń soltústigindegi Kıdal óńirindegi Agýelhok qalasyndaǵy bitimgerler lagerine shapqynshylyq jasady.
Bastapqyda bitimgerlerdi granatometpen atqylaǵan. Keıin lager aýmaǵynan eki kólik qashyp shyǵyp, qoldan jasalǵan mınalarǵa túsip qalǵan. Jarylys saldarynan Chadtan barǵan bitimger qaza tapty.
2012 jyldyń basynda Malıdiń soltústigin «Al-Kaıdamen» baılanysy bar top baqylaýyna aldy. 2013 jyldyń qańtarynda elde lańkestikke qarsy shara bastaldy. Oǵan Frantsııa, AQSh jáne Brıtanııa elderi qatysty.
Sol jyldyń sáýir aıynda BUU bitimgershilik mıssııasy - MINUSMA jumysyn bastady.
