Malıde BUU beıbit kúshteriniń tikushaǵy qulady

ASTANA. QazAqparat - Germanııanyń Qarýly kúshteri Malıdyń soltústiginde BUU-nyń beıbitshilik mıssııasynyń eki qyzmetkerin alyp ushqan nemistiń áskerı tikushaǵy qulaǵanyn rastady. Bul týraly Der Spiegel basylymy jazdy.

BUU Bas hatshysynyń resmı ókiliniń orynbasary Farhan Hak, halyqaralyq uıymnyń mıssııasy apat bolǵan jerge áskerı jasaq pen bir top dárigerdi attandyrǵanyn málim etti. «Malıdegi BUU mıssııasynyń eki ekıpajdan turatyn shabýylshy tikushaǵy Gao okrýginde tabankorttan ońtústikke qaraı qulaǵanyn rastaımyz. Mıssııa sol araǵa shuǵyl áskerıler men medıtsına qyzmetkerlerin attandyrdy», - dedi Hak.

Onyń aıtýynsha, qazir tikushaqtaǵylardyń taǵdyry belgisiz.

BUU ókiliniń málimdeýinshe, tikushaq Gaodaǵy qaqtyǵystarǵa áýeden baqylaý jasaǵan, bul sol mańǵa áskerı jasaq jibermesten buryn olardyń qaýipsizdigi úshin qajet bolǵan.