Malıde 13 frantsýz áskerı qyzmetshisi qaza tapty
BRıÝSSELЬ. QazAqparat – Malıde jıhadshylarǵa qarsy áskerı operatsııa kezinde eki tikushaqtyń soqtyǵysýynan 13 frantsýz áskerı qyzmetshisi qaza tapty, dep habarlaıdy «QazAqparat» HAA menshikti tilshisi Elıseı saraıynyń málimdemesine silteme jasap.
«Respýblıka prezıdenti dúısenbi, 25 qarasha keshkisin Malıde jıhadshylarǵa qarsy áskerı operatsııa kezinde eki tikushaqtyń apatqa ushyraýy saldarynan 13 frantsýz áskerı qyzmetshisiniń qaza tapqanyn qaıǵyryp, habarlaıdy», - delingen habarlamada.
Alty ofıtserdiń, serjant quramyndaǵy alty áskerı qyzmetshi men bas kapraldyń mert bolǵany habarlandy.
France 24 deregi boıynsha, apat eldiń shyǵysynda dúısenbi kúni keshkisin bolǵan. Tikushaqtar jıhadshylardy ańdyp bara jatqan jerdegi áskerge qoldaý kórsetip, áýede ushyp júrgen.
13 áskerı qyzmetshiniń qaza tabýy – Frantsııa áskeri úshin eń úlken qaza bolyp otyr. Sońǵy ret mundaı oqıǵa 1983 jyly Beırýtte frantsýz áskerıleriniń shabýyldaýy kezinde bolǵan. Ol kezde 58 desantshy mert bolǵan edi.
Qazirgi ýaqytta Sahelıa aýdanynda 4500 frantsýz áskerı qyzmetshisi jıhadshylarmen kúresip jatyr.
Malıdiń keıbir bóligin «Ál-Kaıda» sodyrlary baqylap otyr.
Frantsııa bul elde lańkestikke qarsy operatsııany 2013 jyly bastady.
Malıde frantsýz áskerinen bólek, 15 myń bitimgerlik kúshi ornalasqan.
