Malı kýrortyndaǵy arnaıy operatsııa kezinde 32 adam kepildikten bosatyldy
ASTANA. QazAqparat - Malı astanasy mańyndaǵy demalys aımaqtarynyń birinde kepildikke alynǵan 32 adamdy arnaıy qyzmet ókilderi bosatty. Bul týraly TASS Reuters agenttigine silteme jasap habarlaıdy.
Osyǵan deıin kepildikten bosatylǵan 20 adam týraly aıtylǵan bolatyn. Qarýly top týrıster demalýdy unatatyn Bomako áýejaıynan jaqyn jerde ornalasqan Lager Kangaba degen ataýmen belgili týrıstik keshenge shabýyldaǵan bolatyn.
Baba Kısse aımaǵynyń Qaýipsizdik jáne azamattyq qorǵanys mınıstrligi resmı ókiliniń málimetinshe, Malı men Frantsııa áskerı qurylymdarynan jasaqtalǵan arnaıy bólimshe áskerleri onda arnaıy operatsııalar júrgizýde. «Jaǵdaı qazir bizdiń baqylaýymyzda»,-dedi ol.
