Maldıv araldarynda 2006 jyldan keıin týǵandardyń bárine shylym shegýge tyıym salyndy

ASTANA. KAZINFORM — 1 qarashadan bastap Maldıv araldarynda tutas bir urpaqqa, onyń ishinde týrısterge de temeki shegýge arnalǵan tyıym kúshine endi, dep habarlaıdy DW.

Jańa erejege sáıkes, «2007 jyldyń 1 qańtarynda nemese odan keıin týǵan adamdarǵa» Maldıv araldarynda kez kelgen temeki ónimderin satyp alýǵa, tutynýǵa nemese satýǵa tyıym salynady. Bul týraly aral memleketiniń densaýlyq saqtaý mınıstrligi málimdedi. Osylaısha bılik temekiden azat urpaq qalyptastyrǵysy keledi.

Eldiń densaýlyq saqtaý mınıstrligi Maldıv araldarynda barlyq jastaǵy adamdar úshin elektrondy shylymdar men veıpterdi ımporttaýǵa, satýǵa, saqtaýǵa jáne paıdalanýǵa da tolyq tyıym qoldanylady, dep málimdedi. Bul tyıym elge kelgen shetel azamattaryna da qatysty.

Kámeletke tolmaǵandarǵa temeki satý 50 000 rýfııa (shamamen 2800 eýro) aıyppul salady. Elektrondy temekilerdi qoldaný úshin 5000 rýfııa (280 eýro) aıyppul belgilengen.

Osyǵan uqsas tyıymdy alǵash engizgen Jańa Zelandııa edi, alaıda bir jyl ótpeı jatyp bıýdjetke kiris túsirý arqyly salyqtardy tómendetý úshin jańa bılik mundaı shekteýlerdi alyp tastady. Qazir Ulybrıtanııada da temekige shekteý normalary ázirlenip jatyr.

Buǵan deıin Ispanııada jasóspirimderge temeki shegýge tyıym salynyp, ata-analarǵa aıyppul engiziletini habarlanǵan.