Maldyń jaı-kúıin anyqtaıtyn smart sheshim oılap tabyldy

ASTANA. KAZINFORM — Endi elimizde maldyń jaı-kúıin arnaıy smart júıe arqyly onlaın baqylaý múmkindigi bar. Bul týraly tolyǵyraq Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev aıtyp berdi.

— Agroónerkəsiptik keshen salasynda tsıfrlyq tehnologııany engizýdiń bir mysaly otandyq smart-treker jəne maldyń jaı-kúıin monıtorıngteý júıesi. Sheshim fermerler men agrarlyq kompanııalarǵa maldyń jaǵdaıyn onlaın baqylaýǵa jəne olardy túrli aýrýdan saqtaýǵa múmkindik beredi, — dedi Jaslan Mádıev Úkimet otyrysynda.

Júıe maldyń kelesideı jaı-kúıin baqylaıdy:

— qorektený belsendiligin taldaý;

— jalpy fızıkalyq belsendilik;

— dene temperatýrasy;

— maldyń údeýi jəne belsendiligi.

— Sheshim sonymen qatar veterınarııalyq qyzmetti tsıfrlandyrýǵa, qarjy uıymdary men memlekettik qurylymdar úshin maqsatty qarjylandyrý jəne mal sharýashylyǵyn saqtandyrý protsesin tsıfrlandyrýǵa negiz. Búginde atalǵan júıe elimizdiń úsh óńirinde engizilip, tabysty jumys istep jatyr, — deıdi vedomstvo basshysy.

Aıta ketsek, Kazinform tilshisi otandyq aýyl sharýashylyǵy salasyn tsıfrlandyrý qalaı júrip jatqanyn tarqatqan edi.