Malaızııanyń týrıstik operatorlary Túrkistannyń kórnekti nysandarymen tanysty
TÚRKІSTAN. QazAqparat - Túrkistanda malaızııalyq týrıstik operatorlarǵa arnalǵan aqparattyq týr ótti, dep habarlaıdy QazAqparat oblys ákiminiń baspasóz qyzmetine silteme jasap.
Baspasóz qyzmetiniń málimetinshe, oblystyq Týrızm jáne syrtqy baılanystar basqarmasy tarapynan óńirdiń ishki jáne syrtqy týrızmin damytý boıynsha tıisti jumystar júrgizilip keledi.
«Basqarma «Sky Way» qazaqstandyq týroperatorynyń qoldaýymen Malaızııanyń 12 jetekshi týrıstik operatorlaryna arnalǵan aqparattyq týr ótkizdi. Túrkistan óńiriniń týrızmin damytýǵa arnalǵan shara aıasynda oblystyń basty kórnekti nysandaryna «Uly Jibek joly» taqyrybynda ekskýrsııa uıymdastyryldy», delingen habarlamada.
Uıymdastyrýshylar aqparattyq týrdyń ózara yntymaqtastyqty keńeıtýge jáne Malaızııadan Qazaqstanǵa týrısterdi tartýǵa qosymsha serpin beretinine senimdi ekendigin jetkizdi.
Aıta keterligi, bıyl 27 aqpanda Kýala-Lýmpýr qalasynda «Qazaqstan Respýblıkasyndaǵy jańa bıznes múmkindikteri» forýmy ótken. Sol forýmda Túrkistan oblysynyń Týrızm jáne syrtqy baılanystar basqarmasy (MATTA) Malaızııalyq týrıstik agenttikter qaýymdastyǵynyń Bas hatshysy N.Vongpen kelisim jasasty.
Kelisimge sáıkes, Malaızııanyń jetekshi týrıstik kompanııalary men buqaralyq aqparat quraldarynyń ókilderi úshin Qazaqstanda, onyń ishinde Túrkistan oblysynda da aqparattyq týr uıymdastyrylyp otyr. 
