Malaızııanyń eks-premeri 45 jylǵa bas bostandyǵynan aıyrylýy múmkin
ASTANA. QazAqparat - Malaızııa soty eldiń burynǵy premeri Nadjıb Razakqa aqshany jylystatýmen jáne terrorızmdi qarjylandyrýmen kúres týraly zańdy buzdy degen aıyp taqty. Sondaı-aq ol zańsyz jolmen tabysqa kenelip, memlekettik SRC International qorynyń 10 mıllıon dollardan astam qarjysyn jaratqan, dep habarlaıdy euronews.com.
Bul qarajat Razaktyń jeke shotyna aýdarylǵan. Budan basqa sot alqasy memlekettik aıyptaýshynyń isti Joǵarǵy sotqa berý týraly talabyn maquldady. Al burynǵy premer óziniń jazyqsyz ekendigin málim etti.
Eger oǵan úsh qylmystyq is boıynsha aıyptaý úkimi shyǵarylatyn bolsa, Razak 45 jylǵa bas bostandyǵynan aıyrylady.
Eske sala ketsek,burynǵy premerdi shildeniń basynda quqyq qorǵaý organdary bılikti asyra paıdalanǵany úshin ustaǵan bolatyn.
Biraq sot onyń qorǵaýshylarynyń ótinishin qanaǵattandyryp, eks-premerdi kepilmen bosatqan edi.
