Malaızııanyń burynǵy premer-mınıstri sottalyp jatyr
NUR-SULTAN - KÝALA-LÝMPÝR. QazAqparat – Malaızııanyń Joǵarǵy sotynda eldiń burynǵy premer-mınıstri Nadjıb Razaktyń soty bolyp jatyr, dep habarlaıdy QazAqparat Bernama basylymyna silteme jasap.
Oǵan 1Malaysia Development Berhad (1MDB) memlekettik ınvestıtsııa qorynan 546 mln AQSh dollarynan astam qarjy jymqyrdy degen aıyp taǵyldy. Biraq oǵan taǵylǵan aıyp osymen bitpeı otyr. Sot Razakqa jalpy tórt túrli aıyp taǵyp otyr, budan bólek, jymqyrǵan osy aqshasyn paıdalana otyryp, 21 jerden aqsha jymqyrdy degen kúdik taǵy bar.
Memlekettik aıyptaýshylar Nadjıb Razak 2011 jyldyń 11 aqpanynan 2014 jyldyń 19 jeltoqsanyna deıin AmIslamic Bank bankiniń bólimshesinde zańǵa qaıshy áreketter jasady degendi alǵa tartady.
Eger 66 jastaǵy burynǵy premerdiń kinási dáleldense, 20 jylǵa bas bostandyǵynan aıyrylýy múmkin.
