Malaızııanyń birqatar aýdandarynda aptap ystyqqa baılanysty mektepter jabyldy
ASTANA. QazAqparat - Malaızııanyń Bilim mınıstrligi dúısenbi kúni eldegi aptap ystyqqa baılanysty birqatar aýdandardaǵy mektepterde sabaq ótkizbeý jóninde sheshim qabyldady. Perlıs pen Pahang shtattarynda aýa temperatýrasy 72 saǵat ishinde 37 gradýstan joǵarylap ketken.
Reseılik TASS agenttiginiń habarlaýynsha, Bilim mınıstrligi eldegi 259 mekteptiń jumysyn toqtatqan, onda 100 myńnan astam bala bilim alady. Alaıda mektepterdiń ustazdar qaýymy jumysyn toqtatpaıdy.
Elde ystyqqa baılanysty orta bilim berý mekemeleriniń jumysyn burynda toqtatyp kelgen.
Sınoptıktar eldegi aptap ystyq kóptegen óńirlerde aıdyń sońyna sheıin saqtalady dep boljap otyr. Olar: «Nóser jaýyndar aýa temperatýrasyn tómendetý tıis, alaıda bul mamyr aıynyń basynda kútilýde», dep málimdegen.
