Malaızııanyń Air Asia áýe kompanııasynyń ushaǵymen baılanys úzilip qaldy
ASTANA. QazAqparat - Áýe dıspetcherlik qyzmeti Malaızııanyń Air Asia áýe kompanııasynyń ındonezııalyq Sýrabaıa qalasynan Sıngapýrge ushyp shyqqan ushaǵymen baılanysty joǵaltyp alǵan.
Bul týraly ındonezııalyq BAQ-qa silteme jasap TASS habarlaıdy. Keıbir BAQ-tyń málimetterinshe, áýe kemesiniń ishinde 162 adam bolǵan.
Al Indonezııanyń Kólik mınıstrligi onyń bortynda 155 adamnyń bolǵandyǵy týraly habarlaıdy. «Streıts taıms» gazetiniń elektrondyq nusqasyndaǵy málimetterge súıensek, olardyń arasynda Koreıa Respýblıkasynyń úsh azamaty, bir sıngapýrlyq azamat jáne Ulybrıtanııanyń bir turǵyny bolǵan, qalǵandary - Indonezııanyń azamattary.
Kestege sáıkes, QZ 8501 reısin oryndaǵan ushaq sıngapýrlyq Changı áýejaıyna jergilikti ýaqyt boıynsha saǵat 08:30-da jetýi tıis boldy.
Esterińizge sala keteıik, bıylǵy jyldyń naýryz aıynyń basynda «Malaızııalyq áýe jelileri» ıeligindegi Kýala-Lýmpýr-Beıjiń baǵytyndaǵy MH370 reısin oryndaǵan Boeing 777-200 ushaǵy joǵalyp ketken edi. Onyń ishinde 227 jolaýshy men ekıpajdyń 12 múshesi boldy. Ushaqpen baılanys onyń Malaızııa astanasynan ushyp shyqqan sátinen keıin shamamen eki saǵattan keıin úzilip ketken.
