Malaızııanyń 239 jolaýshysy bar ushaǵy joǵalyp ketti
ASTANA. QazAqparat - Malaysia Airlines áýe kompanııasy 239 jolaýshysy bar ushaqpen baılanysqa shyǵa almaı otyr, dep habarlaıdy ITAR-TASS.
Áýe tasmaldaýshy kompanııanyń habarlaýynsha, ushaqta 227 jolaýshy men 12 ekıpaj múshesi bolǵan. Boeing 777-200 ushaǵy Kýala-Lýmpýrdan Beıjińge baǵyt alǵan eken. Ushaq radardan jergilikti ýaqyt boıynsha 02.40 shamasynda, áýege kóterilgenine 19 mınýt bolǵanda joǵalyp ketken.
Jolaýshylardyń arasynda Reseı, Ýkraına, AQSh, Italııa, Frantsııa jáne Qytaı azamattary bolǵan.
«Sınhýa» agenttiginiń málimetinshe, ushaq Vetnamnyń áýe keńistiginde joǵalyp ketken. Malaızııa basshylyǵy izdestirý-qutqarý sharalaryn júzege asyryp jatyr» delingen agenttik taratqan habarda.
