Malaızııanyń eks-senatory jańa Quryltaı modeline kóshýdi Qazaqstan úshin strategııalyq qadam dep atady
ASTANA. KAZINFORM - Aldaǵy Quryltaı depýtattarynyń saılaýy Azııa elderindegi saıasattanýshylar men qoǵam qaıratkerleriniń ǵana emes, óz parlamenttik júıelerinde kóp jyl eńbek etken tájirıbeli zańgerlerdiń de nazaryn aýdaryp otyr.
Qazaqstanda júzege asyp jatqan ózgeristerge qatysty óz baǵasyn malaızııalyq saıasatker, quqyq, memlekettik basqarý jáne memlekettik saıasatty taldaý salasynyń sarapshysy ıÝsmadı ıÝsof bildirdi.
23 tamyzǵa belgilengen saılaý jańa bir palataly Quryltaıdyń quramyn aıqyndaıdy. Saılanǵan depýtattar zań shyǵarýshy bıliktiń jańarǵan qurylymy men memlekettik basqarý júıesindegi parlamenttiń keńeıtilgen jaýapkershiligi jaǵdaıynda jumys isteıtin bolady.
ıÝsmadı ıÝsof – buryn Malaızııa Parlamentiniń senatory ári depýtaty bolǵan zańger, parlamenttik reformalar máselelerin talqylaýǵa qatysqan. Onyń aıtýynsha, zań shyǵarýshy ári tájirıbeli zańger retinde jınaǵan tájirıbesi Qazaqstannyń parlamenttik júıesinde júzege asyp jatqan ózgeristerdiń aýqymyn erekshe baǵalaýǵa múmkindik beredi.
Sarapshynyń pikirinshe, Quryltaıdyń qurylýyna negiz bolǵan reforma strategııalyq sıpatqa ıe jáne Qazaqstannyń damýyn sapaly jańa deńgeıge kóterýge qabiletti.
-Meniń oıymsha, bul bastama strategııalyq sıpatqa ıe jáne Qazaqstannyń damýyn sapaly jańa deńgeıge kóterýge múmkindik beredi. Menińshe, parlamenttiń qyzmetin halyqtyń múddesine barynsha baǵyttaýǵa arnalǵan kez kelgen reforma – durys bastama. Dál osyndaı reformalarǵa basymdyq berilýi kerek, – dedi ıÝsmadı ıÝsof.
Senator, parlament depýtaty jáne aǵa zańger retindegi óz tájirıbesine súıene otyryp, sarapshy azamattardyń demokratııalyq qatysýyn keńeıtetin, halyqtyń únin kúsheıtetin jáne tejemelik ári tepe-teńdik júıesin nyǵaıtatyn kez kelgen shara qoǵamnyń múmkindikterin shyn máninde keńeıtetinin atap ótti. Sondyqtan ol Quryltaı reformasyn Qazaqstan tarıhyndaǵy mańyzdy kezeń dep sanaıdy.
-Burynǵy senator, Malaızııa Parlamentiniń depýtaty jáne aǵa zańger retindegi tájirıbeme súıene otyryp, azamattardyń demokratııalyq qatysýyn keńeıtýge, halyqtyń únin kúsheıtýge, memlekettik basqarýdyń ashyqtyǵyn arttyrýǵa jáne tejemelik ári tepe-teńdik júıesin nyǵaıtýǵa yqpal etetin kez kelgen shara qoǵamnyń múmkindikterin shynymen keńeıtetinine senimdimin. Osyǵan baılanysty bul bastama Qazaqstan tarıhyndaǵy mańyzdy kezeńge aınalady dep esepteımin. Onyń Qazaqstan halqynyń keń qoldaýyna laıyq ekenine senimdimin, – dep túıindedi ıÝsmadı ıÝsof.
Malaızııalyq sarapshynyń baǵalaýy aldaǵy saılaýdyń mańyzy jańa depýtattyq korpýsty qalyptastyrýmen ǵana shektelmeıtinin kórsetedi. 23 tamyzdaǵy daýys berý jańartylǵan parlamenttik modeldiń praktıkalyq jumys kezeńin bastaıdy. Al saılanǵan Quryltaı zań shyǵarý qyzmetinde reformanyń negizgi qaǵıdattaryn – azamattardyń múddesine baǵdarlanýdy, ashyqtyqty jáne parlamenttiń jaýapkershiligin kúsheıtýdi iske asyrýy tıis.
Aıta keteıik, osyǵan deıin fılosofııa, saıasattaný jáne dintaný ınstıtýtynyń dırektory Aıgúl Sádýaqasova Quryltaıdyń mıssııasy — partııalyq qundylyqtar men ulttyq múddelerdi úılestirý ekenin aıtqan bolatyn.
