Malaızııalyq stýdentterdi «Nazarbaev» Ýnıversıtetine tartýǵa daıynmyn - Malaızııa OSK tóraǵasy
ASTANA. QazAqparat - Malaızııalyq stýdentterdi «Nazarbaev» Ýnıversıtetine tartýǵa daıynmyn. Búgin Malaızııa Saılaý komıssııasynyń tóraǵasy Mohd Hashım Abdýlla osylaı dedi.
«17 mıllıon halqy bar elderińizde ınfraqurylym óte qarqyndy damyǵan. Ásirese, kólik salasynyń damýyn aıryqsha atap ótýge bolady. Men «Nazarbaev» Ýnıversıtetinde boldym, qatty unady. Ózim bilim alǵan fakýltetke uqsas bilim ordasyna bardym. Men malaızııalyq stýdentterdiń osy jerde bilim alýyna yqpal jasaýǵa daıynmyn», - dedi Malaızııa Saılaý komıssııasynyń tóraǵasy.
Sonymen qatar, ol Qazaqstandaǵy saılaýdyń demokratııa ustanymyna saı ótkendigin, saılaýshylardyń óz qalaýlaryn bildirýge, sheteldik baıqaýshylardyń jumys isteýine barlyq jaǵdaı jasalǵanyn aıryqsha atap ótti.
«Meni sizderdiń adamdardy qalaı daýys berýge tarta alatyndyqtaryńyz tań qaldyrdy. 18 jasqa tolǵandarǵa, dál sol kúni týǵan kúni bolǵandarǵa, sonymen birge jasy 70-ten asqandar men Uly Otan soǵysynyń ardagerlerine syılyqtar berilip jatty», - dedi Mohd Hashım Abdýlla.
