Malaızııalyq sheneýnik áıel zorlady dep aıyptalýda
ASTANA. QazAqparat - Juma kúni Jańa Zelandııaǵa ekstradıtsııalanǵan malaızııalyq dıplomat áıel zorlamaq boldy degen aıyppen sot aldynda jaýap berdi.
Muhammad Rızalman bın Ismaıl Vellıngtonda osydan bes aı buryn qamaýǵa alyndy. Ol jas áıeldi zorlamaq boldy dep kúdikteldi. Arada kóp uzamaı kúdikti - aldyn ala boljam boıynsha, dıplomatııalyq ımmýnıtettiń arqasynda Jańa Zelandııadan ketip qalǵan, dep habarlady VVS.
Bul jaǵdaı Jańa Zelandııada narazylyq týdyryp, eki eldiń de dıplomatııalyq vedomstvolaryn yńǵaısyz jaǵdaıda qaldyrdy.
Eki tarap ta dıplomatııalyq mıssııa qyzmetkerine nelikten Vellıngtonnan ketýge ruqsat berilgenin túsindiretin túrli túsiniktemeler berdi. Qorytyndysynda Malaızııa bıligi dıplomatty keri qaıtardy. Olar oǵan qatysty ádil sot bolady degen senimde.
