Malaızııalyq kompanııa Astanaǵa kóshe shamyn syıǵa tartty
ASTANA. QazAqparat - Zamanaýı shamdar elektr qýatyn 2,5 ese azaıtýǵa múmkindik beredi, dep habarlaıdy Elorda Info.
Elordanyń Kravtsov kóshesi boıynsha Pýshkın kóshesinen Taha Hýseın kóshesine deıin 103 LED shamdary ornatyldy. Ol malaızııalyq kompanııanyń Astananyń 20 jyldyǵyna jasaǵan syıy. Bul shamdardyń ereksheligi elektr qýatyn az shyǵyndap, uzaq qyzmet etedi.
«Bizdiń bastamamyzdyń maqsaty - balamaly elektr kózi men energotıimdilik salasynda tájirıbıge ıe bolǵandyqtan Qazaqstan astanasyna osyndaı syı jasaý», - dedi malaızııalyq LLP «Itramas Corporation» korpratsııasynyń atqarýshy dırektory Iıýn Shı Lı Baıqońyr aýdanynyń ákimine kóshe shamyn tabystaý kezinde.
Baıqońyr aýdanynyń ákimi Erlan Kanalımovtyń sózinshe, bul shamdardyń arqasynda elektr qýatynyń shyǵyndary 2,5 esege azaıady, al kósheler otandyq shamdar ornatylǵan kóshelerge qaraǵanda 30 paıyzǵa jaryq bola túspek.
Aıta keteıik, mundaı shamdar barlyq Malaızııa boıynsha ornatylǵan. Búginde kompanııa Philips, Bosh, Siemens kompanııalarymen birge 40-tan astam elge ımporttalady.
