Malaızııalyq iz-túzsiz joǵalǵan Boeing tabylmaýy múmkin
ASTANA. QazAqparat - Naýryzdyń basynda joǵalyp ketken Malaızııalyq Boeing 777-200 ushaǵy múldem tabylmaýy múmkin. Bul týraly búgin Bı-bı-sıge bergen suhbatynda Avstralııalyq kóliktegi qaýipsizdik basqarmasynyń ókili Martın Dolan habarlady.
Onyń málimdeýinshe, ushaq Úndi muhıty akvatorııasynan tabylmaýy múmkin. Bul rette Dolan qyzmetkerler joǵalǵan laıner jumbaǵyn shesher degen úmiti de baryn jasyrmady, dep habarlady TASS.
Budan buryn laınerdi izdestirý kelesi jyldyń mamyrynda toqtatylatyny habarlanǵan.
Aıta keteıik, Úndi muhıtynyń ońtústik bóligindegi 11 myń sharshy metrden astam aýmaǵy skanerlendi. Bul izdestirý jalpy alańynyń besinshi bóligin quraıdy.
