Malaızııalyq Boıngtiń jolaýshylary Kandagar túbinde tutqynǵa alynǵan - arnaıy qyzmetter
ASTANA. QazAqparat - MH370 reısiniń ushqyshtary ushaqty qasaqana basqa jaqqa buryp jibermegen, ushaq belgisiz bireýlermen basyp alynǵan, dep habarlady arnaıy qyzmetterdegi bedeldi derek kózine silteme jasaǵan «MK». Atalǵan aqparat álemdik BAQ-tyń eshqaısysynda áli jarııalanbaǵan.
8 naýryz kúni Malaysia Airlines kompanııasynyń áýe laıneri bortyndaǵy 227 jolaýshy jáne 12 ekıpaj múshesimen basyp alynǵan jáne qazir Kandagardan ońtústik-shyǵysqa qaraı Aýǵanstan aýmaǵynda Pákistanmen shekaralas jerde tur. Ushaqtyń synǵan qanatyna qaraǵanda ol jerge shuǵyl qonǵan. Barlyq jolaýshylar tiri, jeti topqa bólinip kún keship jatyr. Ushaqtyń ishindegi 20-ǵa jýyq azııalyq maman tutqynǵa alynǵan. Bunyń bári amerıkandyq tarappen saýda jasaý úshin bireýdiń tapsyrmasymen jasalǵan desedi. Bul týraly «MK» tilshisine arnaıy qyzmetterdegi derek kózi habarlaǵan. Eske sala keteıik,Malaysia Airlines kompanııasynyń Boeing 777-200ER áýe laıneri Malaızııanyń astanasy Kýala-Lýmpýrden Beıjińge Qytaıdyń China Southern Airlines reısimen birlesip, bortynda 227 jolaýshysy men 12 ekıpaj múshesimen jolǵa shyqqan bolatyn. Ol radar ekranynan 8 naýryz Malaızııa ýaqyty boıynsha 02.40-ta joǵalǵan. Jolaýshylardyń ekeýi reıske basqa bireýlerdiń tólqujattarymen kirgen. Negizi Boeing 777 jolaýshylary qaza bolǵan dep jarııalandy: olardyń týǵan-týystaryna áýe kompanııasynyń basshylyǵy ushaq bortynda bolǵandardyń eshqaısysy tiri qalmady dep habarlady. Eger, shynymen laınerdiń apatqa ushyraý faktisi rastalsa, onda bul 2003 jyldan bergi iri áýe apaty bolady. Osy kezde Qytaıdyń týrıstik agenttikteri belgili bir ýaqytqa Malaysia Airlines tasymaldaýshysynyń reısterine bılet satýdy toqtatty. Oǵan LY.com, Qunar, Mango jáne eLong Qytaı servısteri qosyldy. Malaysia Airlines pen Malaızııa bıligi aqparatty búkpesiz jarııalaǵan kúnde ǵana narazylyq sharasy toqtatylady dep málimdedi.
