Malaızııalyq Boeing-tiń apat ornyna barǵan halyqaralyq baqylaýshylarǵa oq jaýdyrǵan
ASTANA. QazAqparat - Halyqaralyq sarapshylar jáne EQYU baqylaýshylar toby malaızııalyq Boeing-777 qulaǵan orynǵa jetisimen olarǵa bireýler oq jaýdyrǵan, dep jazady rosbalt.ru.
RIA "Novostı" taratqan aqparatqa súıensek, ekspertter dál qazirgi sátte jumysty jalǵastyrý-jalǵastyrmaý jaıyn aqyldasýda. Japa shekkender jaıynda málimet joq.
Buǵan deıin France-Presse agenttigi oqıǵa ornynda birneshe ret jarylys boldy degen de habar taratqan.
Eske sala keteıik, Amsterdam (Nıderlandy) - Kýala-Lýmpýr (Malaızııa) baǵytyndaǵy Malaysia Airlines kompanııasynyń «Boıng 777» ushaǵy Ýkraına aýmaǵynda shildeniń 17-sinde apatqa ushyrap, onyń bortyndaǵy 298 adam qaza bolǵan edi.
