Malaızııalyq áýe kompanııasy alǵash ret sharıǵat qaǵıdalary boıynsha ushaq ushyrdy
ASTANA. QazAqparat - Malaızııalyq Rayani Air áýe kompanııasy álemdik avıatsııa tarıhynda alǵash ret sharıǵat normalaryna sáıkes ushyrylymdy júzege asyrdy.
Malaızııa turǵyndarynyń basym bóligi ıslam dinin ustanady. Elde resmı basqa da dinderge ruqsat etilgenine qaramastan, ol memlekettik bolyp tabylady. Malaızııada neke jáne muragerlik máselelerin sheshetin sharıǵattyq sottar jumys isteıdi. Zaıyrly sot ıýrısdıktsııasynda bul qaýly qoldanylmaıdy. Ushaq ushar aldynda joldyń sátti bolýy úshin quran oqylady, barlyq stıýardessalar hıdjabpen qyzmet kórsetedi. Al musylman emester «ádepti kıinedi». Budan basqa, bortta halal as beriledi. Munda jolaýshylarǵa ıslamda ruqsat etilmegen alkogol ishimdikterine tyıym bar. Rayani Air tájirıbesin basqa elder de qoldanbaq: atap aıtsaq, sharıǵat normalary boıynsha ushyrylymdy qolǵa alatynyn brıtandyq Firnas Airways kompanııasy málim etti. Ol muny 2016 jylǵa josparlaýda. Reseı týrızmi Reseıde Taıaý shyǵystan keletin qonaqtar úshin «halal-frendlı» týrıstik baǵdarlamasyn iske qosýǵa nıettenýde. Olar asty din normalaryna saı berip qana qoımaı, reseılik meıramhanalarda as mázirin de arab tilinde jazbaq.
