Malaızııalyq áýe kemesin izdeý aımaǵynda ushaqtyń bolýy múmkin synyqtary tabyldy
ASTANA. QazAqparat - Avstralııalyq ushqyshtar Air Asia áýe kompanııasynyń joǵalǵan A-320 laınerin izdeý aımaǵynda sýdan keıbir nysandardy alyp shyqty.
Bul týraly Djakartada Indonezııa ÁQK basshylarynyń biri Dvı Pýtranto habarlady, dep aqparattandyrdy RBK.
Onyń aıtýynsha, bul habarlama izdeý-qutqarý is-qımyldaryna qatysyp júrgen avstralııalyq Orion ushaǵynyń ekıpajynan kelip túsken. The Australian-niń habarlaýyna qaraǵanda, bul aımaqtaǵy sý betinen maı daqtary baıqalǵan.
Pýtrantonyń baıandaýynsha, ushaqtyń bolýy múmkin synyqtary Kalımantan aralynan soltústikke qaraı 160 shaqyrym jerde tabyldy. Bul ushaq ekıpajynyń sońǵy ret baılanysqa shyqqan ornynan shamamen 1120 shaqyrym jerde.
