Malaızııaǵa ushaq apatynan qaza tapqan 9 adamnyń máıiti jetkizildi
ASTANA. QazAqparat - Ýkraınada apatqa ushyraǵan Boeing-777 ushaǵynda bolǵan 9 adamnyń máıiti Amsterdamnan Kýala-Lýmpýrǵa jetkizildi. Osyǵan baılanysty Malaızııa astanasynyń áýejaıynda azaly jıyn ótip, qurbandardy eske alý úshin bir mınýt únsizdik jarııalandy, dep habarlady ITAR-TASS.
Bul apatta qaza tapqandardyń múrdelerin ákelgen úshinshi ushaq. Áýe kemesi bortynda bolǵan 43 malaızııalyqtyń 32-i anyqtalyp, máıiti otanyna jetkizildi.
