Malaızııadan álemdegi eń bıik tropıkalyq aǵash tabyldy
ASTANA. QazAqparat - AQSh-tyń Karnegı ınstıtýtynyń ekolog mamandary Malaızııanyń Borneo aralynan álemdegi eń bıik tropıkalyq aǵashty tapty. Olar aǵashty tikushaqpen ushyp bara jatyp baıqaǵan, dep jazady massaget.kz.
Tropıkalyq aǵashtyń bıiktigi 94 metrdi quraǵan. Al jýandyǵy 40 metr shyqqan. Ekologtar atalǵan aımaqtan mundaı "alyp" aǵashtyń onǵa jýyǵyn kezdestirgen.
- Bul - álemdegi eń bıik tropıkalyq aǵash. Tabıǵattyń tańǵajaıyp syıy. Mundaı aǵashtyń tabylýy - ǵylym men Borneo turǵyndary úshin ǵana mańyzdy emes, álem úshin tańdanarlyq jańalyq, - dedi ekolog Gregorı Esner.
Aıta keteıik, álemdegi eń bıik aǵash «Gıperıon» dep atalady. AQSh-tyń Kalıfornııa shtatyndaǵy «Redvýd» saıabaǵyndaǵy aǵashtyń bıiktigi 115,6 metrdi quraıdy.
