Malaızııadaǵy sý tasqynynan 56 myń adam evakýatsııalandy
ASTANA. QazAqparat – Malaızııanyń birneshe aýdanynda qatty sý tasqyny bolyp, bes shtattaǵy 56159 adam evakýatsııalandy. Buǵan seısenbi kúni jarııalaǵan úkimet deregi dálel bolyp otyr, dep habarlaıdy QazAqparat Sınhýa agenttigine silteme jasap.
«Qatty zardap shekken aýdandar túbektiń shyǵys jaǵalaýynda ornalasqan. Kelantan shtatynan 17326 zardap shegýshi jáne Trenganý shtatynan 37792 zardap shegýshi sý tasqyny kezinde kómek kórsetý ortalyqtaryna evakýatsııalandy», - dep habarlady Bernama memlekettik aqparat agenttigi.
Bılik bes adamnyń, sonyń ishinde 15 aılyq balanyń qaza tapqanyn rastady.
Zardap shekken birneshe aýdandaǵy ózenderde sý deńgeıi qaýipti deńgeıden asyp ketken.
Órt sóndirý jáne qutqarý departamentiniń Órt qaýipsizdigi bóliminiń dırektory Ahmad Izram Osmannyń aıtýynsha, onyń komandasy Trenganýdaǵy sý tasqyny jaǵdaıy týraly naqty esep alý úshin aerobaqylaý júrgizip jatqanyn jáne Kelantanda dál osyndaı baqylaý júrgizetinin aıtty.
Zardap shekken basqa da shtattarda (Pahang, Djohor jáne Perak) birneshe júzdegen adam evakýatsııalandy.
Foto: bernama.com
