Malaızııadaǵy sý tasqyna baılanysty evakýatsııalanǵandar sany 18 myńnan asty

ASTANA. KAZINFORM – Seısenbi kúngi jaǵdaı boıynsha, Malaızııada soltústik-shyǵys mýssondary maýsymyndaǵy tótenshe jaǵdaılarǵa baılanysty 18 myń adam qaýipsiz jerge kóshirildi. Tabıǵat apatynan 10 shtat zardap shekken, dep habarlaıdy Sınhýa agenttigi.

Birneshe kún boıy tolassyz jańbyr jaýǵan Kelantanada 9700 adam sý tasqynyna baılanysty kóshirildi. Olar kómek kórsetý úshin uıymdastyrylǵan 40 orynǵa ornalastyryldy.

Qatty zardap shekken ózge aýdandar qataryna Selangor shtaty jatady. Ol jerden 2718 adam jáne Perak shtatynan 2881 adam kóshirildi.

Malaızııa úkimetiniń Bas hatshyy Shamsýl Azrııa Abý Bakar bıliktiń sý tasqynynan zardap shekken aýdandarǵa túrli sala ókilderi men materıaldar joldaǵanyn habarlady.

Bilim mınıstri Vrnge Ka Vo mýssondardyń jalpymemlekettik emtıhandy tapsyrýǵa kedergi bolmaıtynyn jetkizdi. Sebebi jaǵdaıdy retteý úshin shuǵyl sharalar qolǵa alynǵan.

Malaızııa premer-mınıstri Anvar Ibragım baspasóz máslıhaty barysynda Ulttyq tabıǵı apattarmen kúres agentiginiń sý tasqynyna qarsy daıyndyq jumystaryna kóńili tolatynyn aıtty.

Osyǵan deıin Malaızııada sý tasqyny saldarynan 4,2 myńnan astam adam evakýatsııalanǵany týraly jazdyq.