Malaızııada jarys kezinde sportshyny búgelek shaǵyp aldy - VIDEO
ASTANA. QazAqparat - Malaızııada jarysqa qatysyp jatqan ıspandyq golfshini bir top búgelek shaǵyp aldy, dep habarlaıdy 1tv.ru.
Belgili ıspan sportshysy Pablo Larrasabaloǵa kezekti dopty qaqpaǵa salǵan soń, oıyndy toqtatýyna týra keldi. Sebebi, sol jerde oǵan bir top búgelek basa salyp, shaǵyp tastady.
Sportshy aldymen jándikterdi oramalymen qaǵyp qýǵan edi, ol ádisi nátıje bermegen soń golf alańyndaǵy toǵanǵa sekirip ketti. Búgelekter shaqqanyna qaramastan, ol oıynda eń úzdik kórsetkishtiń ıesi atandy.
