Malaızııada vıtse-premer men bas prokýror otstavkaǵa ketti
ASTANA. QazAqparat - Malaızııa premer-mınıstri Nadjıb Razak 1MDB memlekettik ınvestıtsııalyq qor tóńiregindegi daýǵa baılanysty úkimette aýys-túıis ótkizdi.
Bul týraly TASS habarlady.
Nadjıb Razakty ınvestıtsııalyq qor dırektorlary keńesiniń tóraǵasynyń qyzmetinen ketýge shaqyrǵan vıtse-premer Mýhıddın ıAsın qyzmetinen bosatyldy. Investıtsııalyq qordyń qyzmetin shamamen $11 mlrd. shyǵynǵa baılanysty arnaıy komıssııa tekserip jatyr. Sonymen qatar, vıtse-premer jýyrda daý saldarynan eldegi iri Malaızııa ulttyq uıymynyń birlestiginiń bedeli zardap shegip jatqanyn málimdedi.
Úkimet basshysynyń jańa orynbasary bolyp ishki ister mınıstri Ahmad Zahıd Hamıdı taǵaıyndaldy. Sonymen qatar ol ediń ІІM basqarmaq.
Sonymen qatar, bas prokýror Abdýl Ganı Pataıl otstavkaǵa jiberildi. Sondaı-aq, tabıǵı resýrstar jáne qorshaǵan ortany qorǵaý mınıstri Palanıvel Govındasamı, aýyl sharýashylyǵy jáne aýyl sharýashylyq óndirisi mınıstri Ismaıl Sabrı ıAakob qyzmetinen aıyryldy.
Aıdyń basynda The Wall Street Journal birneshe maqala jarııalady. Onda premerdiń jeke shottaryna 1MDB qorymen baılanysty kompanııalardan shamamen $700 mln. aýdarylǵany jazylǵan. Materıaldardyń avtolary tranzaktsııa boıynsha qujattardyń kóshirmesin de usynǵan. Oppozıtsııa úkimet basshysyn ınvestqordaǵy qarajatty ysyrap qyldy jáne sybaılas jemqorlyqqa qatysy bar dep kinálap otyr.
Úkimet basshysy muny moıyndamaı otyr. Premer advokattary jaqyn arada The Wall Street Journal shaǵym jasaıdy dep kútilýde.
