Malaızııada ushaq qala mańyna qulap, 10 adam qaza tapty

ASTANA. QazAqparat – Malaızııada jeke ushaq apatqa ushyrap, 10 adam qaza tapty, dep habarlaıdy QazAqparat Anadoly agenttigine silteme jasap.

Áýe kemesi Langkavı halyqaralyq áýejaıynan ushyp shyǵyp, Sham Alam qalasynyń mańynda apatqa ushyraǵan.

Saldarynan 6 jolaýshymen 2 ekıpaj múshesi, sonymen qatar ushaq qulaǵan eldi mekenniń 2 turǵyny qaza tapty.

Aqparatty Malaızııanyń azamattyq avıatsııa basqarmasy rastady.

Vedomstvonyń habarlaýynsha, oqıǵa jergilikti ýaqyt boıynsha 14:08-de bolǵan. Ushaq Kýala-Lýmpýrdegi Sultan Abdýlazız áýejaıyna baǵyt alǵan.