Malaızııada musylmandarǵa Pokemon Go oınaýǵa tyıym saldy
ASTANA. QazAqparat - Malaızııanyń rýhanı bıligi koroldik musylmandaryna ataqty Pokemon Go oıynyn oınaýǵa tyıym saldy. Bul týraly eldiń Islamdyq damý basqarmasynyń basshysy Tan Otman Mýstafa málimdedi, dep habarlady TASS.
Mundaı sheshimniń qabyldanýyna birneshe sebep bar, dedi uıym basshysy. Onyń sózine qaraǵanda, buǵan «buryn bul oıynǵa ruqsat bergen birqatar musylman memleketteriniń tájirıbesi» negizgi sebepterdiń biri boldy. Tan Otman Mýstafa túsindirgendeı, qubyjyqtardy aýlaýǵa degen áýes «balalar men jasóspirimderge keri áserin tıgizedi, tipti qaıǵyly oqıǵalarǵa ákelýi de múmkin».
Osyǵan deıin álemdegi eń kóp musylmandar turatyn Indonezııa bıligi oqýshylarǵa Pokemon Go oınaýǵa tyıym saldy.
Pokemon Go - pokemon dep atalatyn qubyjyqtardy taýyp, oqytýdy kózdeıtin oıyn. Oıynǵa qosymsha shynaıylyq elementteri engizildi. Bul oıynǵa álem boıynsha kúnine 20 mln.-nan astam paıdalanýtsshy qatysatyn kórinedi.
