Malaızııada MH17 reısiniń qurbandaryn eske alý rásimi ótti
ASTANA. QazAqparat - Ótken jyly jazda Ýkraına shyǵysynda Malaızııalyq «Boıng» apaty kezinde qaza tapqandardyń týystary men dostary apattyń bir jyldyǵy qurmetine Kýala-Lýmpýrge eske alý rásimine keldi.
Rásimge qatysýshylar aldynda sóz sóılegen Malaızııa premer-mınıstri Nadjıb Razak tergeýshilerge bolǵan oqıǵanyń barynsha naqty kartınasyn qalpyna keltirýge bolatynyn aıtty.
Tergeý nátıjesi jyldyń aıaǵynda jarııalanady dep kútilýde.
Eske sala keteıik, MH17 reısimen Amstredamnan Kýala-Lýmpýrge bet alǵan Malaysia Airlines avıakompanııasynyń Boeing 777 ushaǵy ótken jyly 17 shildede Ýkraınanyń Donetsk oblysynda qulaǵan bolatyn. Bortta 298 adam qaza tapty.
Keıinnen ushaqty zymyran soqqany anyqtaldy. Ýkraınadaǵy taraptar bolǵan jaǵdaıǵa bir-birlerin kinálady.
