Malaızııada kóshkin saldarynan 11 adam qaza tapty
ASTANA. KAZINFORM — Malaızııada uzaq ýaqyt boıy jaýǵan kúshti jańbyrlardyń saldarynan bolǵan kóshkinnen keminde 11 adam qaza taýyp, birneshe adam habar-osharsyz joǵalyp ketti, dep habarlaıdy Sınhýa.
Qaıǵyly oqıǵa Borneo aralynyń soltústiginde Sabah shtatyndaǵy Kota-Kınabalý mańyndaǵy aýylda boldy.
Malaızııanyń áleýmettik qamsyzdandyrý departamentiniń málimetinshe, sý tasqyny saldarynan 1788-den astam adam qonys aýdarýǵa májbúr bolǵan jáne zardap shekkenderge 12 kómek kórsetý ortalyǵy uıymdastyrylǵan.
Premer-mınıstr Anvar Ibragım zardap shekkenderge kómek kórsetýge buryn bólingen 11 mıllıon rınggıtke qosymsha 10 mıllıon rınggıt (2,38 mıllıon AQSh dollary) bólinetinin jarııalady.
Sondaı-aq ol malaızııalyqtardy birigip, muqtajdarǵa qol ushyn berýge shaqyrdy.
Osydan buryn habarlanǵandaı, Malaızııada gaz qubyryndaǵy jarylystan 112 adam zardap shekti.