Malaızııada iri sý tasqynynyń saldarynan 80 myń adam qaýipsiz jerge kóshirildi
ASTANA. QazAqparat - Malaızııada kúshti sý tasqynynyń saldarynan 80 myńǵa jýyq adam qaýipsiz jerge kóshirildi, dep habarlaıdy Rosbalt.
Tabıǵattyń dúleı kúshinen eń kóp Kelantan shtaty zardap shekti - ondaǵy 30 myńdaı adam ýaqytsha panalaý ortalyqtaryna ornalastyryldy. Aımaqtyń keıbir ózenderindegi sý deńgeıi qalypty deńgeıden bir metrden asady, kóptegen kólik joldary jabylǵan. Dúısenbiden bastap birqatar shtattarda temirjol qatynasy toqtatyldy.
Jaqynda Pahang shtatyndaǵy 100-den astam týrıstiń qonaqúıden shyǵa almaı jatqany habarlandy. Olardyń arasynda Kanada, Germanııa jáne Frantsııa azamattary bar. Qaýipsiz jerge kóshirý operatsııasy nóser men qalyń tuman saldarynan toqtaldy. Qutqarý jumystarynyń 26 jeltoqsan kúni jalǵastyrylatyny kútilýde.
Eldiń bılik kózderi bul sý tasqynyn sońǵy onjyldyqta bolǵan eń iri tabıǵı apattardyń biri dep ataıdy.
