Malaızııada hrıstıandarǵa «Allah» sózin qoldanýǵa tyıym saldy
ASTANA. QazAqparat - Malaızııanyń federaldyq soty hrıstıandarǵa «Allah» sózin qoldanýǵa tyıymdy kúshinde qaldyrdy, dep habarlaıdy Bı-bı-sı.
Dúısenbi kúni sot alqasy Herald katolık basylymynda jarııalanymdarǵa «Allah» sózin qoldanýǵa ruqsat berilmegendikten, sheshimdi kúshinde qaldyrdy.
Basylym nusqasy boıynsha qudaıdy malaızııa tilinde «Allah» dep aıtý qajet, ǵasyrlar boıy solaı atalyp kelgen.
«Allah» sózi - bul taıaý shyǵystyq jáne ındonezııalyq termın, ony musylmandar da, hrıstıandar da qoldanady», - dep málimdegen budan buryn Herald basylymy.
Sonymen birge, sot tyıymdy alyp tastaý musylmandardy jańylystyryp, buqaralyq tolqýǵa alyp kelýi múmkin dep sheshti. Talaparyzdy Malaızııadaǵy katolık shirkeýi berdi, ol 2007 jyly engizilgen tyıymdy joıýǵa qol jetkizgen. Alaıda federaldyq sot bul másele boıynsha budan burynǵy úkimdi durys dep sheshti.
Bul qaýlyǵa sáıkes hrıstıandardyń «Allah» sózin qoldanýy musylmandardy joldan taıdyryp, hrıstıan dinine aýysyp ketýine ákelýi múmkin.
Malaızııada musylmandar halyqtyń úshten ekisin quraıdy. Alaıda ındýıster men hrıstıandar qaýymy da jeterlik.
«Allah» sózin qoldaný týraly másele boıynsha daý-damaı qııan-keski sıpatta. Budan buryn meshitter men shirkeýlerdi shabýyldaýǵa deıin ákelgen.
Jeti sýdıadan turatyn federaldyq sot sheshimi kópshilik daýyspen qabyldandy.
Herald jýrnalynyń redaktory Lorens Endrıý sot sheshiminen qatty kóńili qalǵanyn málimdedi. Bul eldegi dinı az qaýymnyń irgeli quqyǵyn qozǵaıdy dedi.
