Malaızııada gaz qubyrynda jarylys boldy
NUR-SULTAN. QazAqparat – Malaızııanyń shyǵysynda Sabah jáne Saravak shtattarynyń arasyndaǵy gaz qubyrynda jarylys bolyp, sońy órtke ulasty, dep habarlady QazAqparat The Star gazetine silteme jasap.
«Gaz qubyry aýmaǵynda jarylys bolǵany týraly aqparat tústi, sebepteri áli belgisiz», deıdi jergilikti bılik ókilderi. Oqıǵa ornyna malaızııalyq Petronas munaı-gaz korporatsııasynyń ókilderi men órt sóndirý toby attandy.
Ázirge jarylys saldarynan mert bolǵandar men zardap shekkender týraly málimet joq.
