Malaızııada gaz qubyryndaǵy jarylystan 112 adam zardap shekti
ASTANA. KAZINFORM — Búgin tańerteń Sýbang-Djaıa qalasy Pýtra Haıts aýdanynda gaz qubyrynda joıqyn jarylys boldy, dep habarlaıdy Malay Mail.
Malaızııa polıtsııasynyń málimetinshe, jarylys órtke ulasyp, saldarynan 112 adam zardap shegip, onyń 63-i aýrýhanaǵa jatqyzyldy.
Sonymen qatar, vedomstvo órttiń 47 úıdi sharpyp ótkenin málimdedi. Gaz qubyrynan shyqqan aýqymdy órt aıtarlyqtaı shyǵyn keltirip, shuǵyl evakýatsııa jasaýǵa májbúrledi.
Tańerteń bastalǵan qyzyl jalynnyń tutanýyna Petronas kompanııasynyń gaz qubyryndaǵy aqaý sebep boldy. Kýágerlerdiń sózinshe, jalynnyń bıiktigi 500 metrge deıin jetip, birneshe shaqyrym qashyqtyqtan kóringen.
Buǵan deıin habarlanǵandaı, Ońtústik Koreıanyń ońtústik-shyǵysynda orman órti tolyq sóndirildi.
Sondaı-aq, Ońtústik Koreıanyń ońtústik-shyǵys óńirin sharpyǵan orman órti saldarynan 18 adam qaza tapqanyn jazǵan edik. Sondaı-aq, órt sóndirý tikushaǵynyń apatqa ushyraýy saldarynan ushqysh kóz jumǵan.
Prezıdent Qasym-Jomart Toqaev Koreıa halqyna kóńil aıtty.