Malaızııada dúkenniń janynan qoltyraýyndy ustap aldy
ASTANA. QazAqparat - Malaızııanyń Saravak shtatyna qarasty Lımbang qalasynda alyp qoltyraýyn jergilikti turǵyndardyń biriniń dúkenine jorǵalap kelgen. Jyrtqyshty ustaý úshin turǵyndar órt sóndirýshilerdi shaqyrdy, dep jazady korrespondent.net.
Órt sóndirýshilerge baýyrymen jorǵalaýshyny ustaý ońaıǵa soqqan joq. Osy oqıǵa jónindegi beınerolıkte qoltyraýynnyń ony arqanmen baılamaq bolǵan kezde aıbat shegip, quryqtan aman shyqqandyǵyn kórýge bolady. Sondaı-aq jyrtyqshtyń betine jamylǵy jappaq bolǵan órt sóndirýshilerdiń bul áreketi de nátıjesiz boldy.
Beınekórinistiń avtorynyń aıtýynsha, órt sóndirýshiler qoltyraýyndy ustaýǵa 1 saǵatqa jýyq ýaqyt jumsaǵan. Aqyr sońynda ony júk kóligine tıep, jyrtqysh ózi kelgen jergilikti ózenderdiń birine jetkizildi.
Qoltyraýynnyń qalaǵa deıin kirip ketken kezi birinshi ret bolǵan.
