Malaızııada brakonerlerge rekordtyq mólsherdegi aıyppul salyndy
NUR-SULTAN. QazAqparat - Malaızııanyń soltústik bóligindegi Kýala-Trenganý qalasynyń soty vetnamdyq eki brakonerge qatysty 375 myń AQSh dollary kóleminde rekordtyq aıyppul tóleý úkimin shyǵardy. Bul týraly beısenbi kúni The Star gazeti habarlady.
Sottalǵan vetnamdyqtar 2019 jyldyń sáýir aıynda qamaýǵa alynǵan. Olardan ondaǵan barystyń jáne malaızııalyq aıýlardyń terisi tárkilengen. Sondaı-aq, jabaıy tabıǵatta nebári 200-i ǵana qalǵan malaızııalyq jolbarys denesiniń keıbir baǵaly bólikteri tabylǵan.
Sot sheshimine oraı, aıyppuldan ózge brakonerler eki jylǵa qamaýǵa alyndy. Munymen qatar, salynǵan aıyppuldy tólemegen jaǵdaıda, 16 jylǵa deıin bas bostandyqtarynan aıyrylatyn bolady.
