Malaızııada Boeing 777 ushaǵynyń joǵalyp ketýi jaǵdaıyn tekserý týraly baıandama jarııalandy
ASTANA. QazAqparat - Malaızııa bıligi bortynda 227 jolaýshy bolǵan Boeing 777-200 ushaǵynyń joǵalyp ketýi jaǵdaıyn tekserýdiń aldyn ala nátıjeleri týraly baıandamany jarııalady, dep habarlady ITAR-TASS Reuters agenttigine silteme jasap.
Bes bettik qujattyń kóshirmesi elektrondyq poshtamen BAQ-qa, sondaı-aq salanyń damýyna baqylaýdy júzege asyratyn Halyqaralyq azamattyq avıatsııa uıymyna (ICAO) jberildi.
9 sáýir kúnimen belgilengen baıandamada mundaı qaıǵyly oqıǵa qaıtalanbaýy úshin ushaqtardy naqty ýaqytpen baqylap otyrý júıesin engizý qajettigi kórsetilgen.
Boeing 777-200 7 naýryzda Kýala-Lýmpýr baǵytymen reıske shyqqan. Onyń bortynda 227 jolaýshy men 12 ekıpaj múshesi bolǵan. Ushaqpen baılanys Malaızııa astanasynan ushyp shyqqannan keıin shamamen eki saǵattan soń úzilgen. 24 naýryzda avıakompanııa ushaq bortyndaǵy barlyq adamdardyń qazaǵa ushyraǵany týraly málimdeme taratty.
