Malaızııada avtobýs aýdarylyp, 10 adam qaza tapty
NUR-SULTAN. QazAqparat - Kýala-Lýmpýr halyqaralyq áýejaıyna jaqyn jerde bolǵan jol-kólik oqıǵasy saldarynan 10 adam qaza taýyp, 34-i zardap shekken, dep habarlaıdy Star basylymy.
Gazettiń deregi boıynsha, júrgizýshi rýlge ıe bola almaı, ishinde 43 adamy bar avtobýs sý kanalyna aýdarylǵan.
Oqıǵa ornyna qutqarýshylar brıgadasy kelgen. Segiz sheteldik azamat pen júrgizýshi sol jerde mert bolsa, taǵy biri aýrýhanada kóz jumdy. Qalǵan 34 adam jergilikti gospıtalderge jetkizildi.
Apattyń mán-jaıy anyqtalyp jatyr. Gazettiń deregi boıynsha, barlyq jolaýshylar MAS Kargo júk kompanııasynyń qyzmetkerleri bolǵan.
