Malaızııa joǵalyp ketken ushaqty izdeý aýmaǵyn keńeıtti
ASTANA. QazAqparat - Malaızııa áýe kompanııasynyń joǵalyp ketken ushaǵyn izdeý aýmaǵy keńeıtildi. Bul týraly atalǵan eldiń Premer-Mınıstr Nadjıb Razak málim etti, dep habarlady sheteldik BAQ.
«Biz izdeý-qutqarý operatsııalaryn úshaq sońǵy márte baılanysqa shyqqan jerge shoǵyrlandyrǵan edik. Degenmen izdeý aýmaǵyn keńeıtý týraly sheshim qabyldadyq», - dedi ol.
Sonymen birge Razak BAQ-tarǵa ushaq týrasynda joramaldarǵa boı aldyrmaýdy, jalpy ony izdeý jumystaryna Áskerı teńiz kúshteri men Jaǵalaý kúzetiniń toǵyz kemesi jumyldyrylǵanyn atap ótti.
Esterińizge sala keteıik, Malaysia Airlines áýe kompanııasynyń 239 jolaýshysy bar ushaǵy senbige qaraǵan túnde joǵalyp ketken edi. Ushaqta 227 jolaýshy men 12 ekıpaj múshesi bolǵan. Boeing 777-200 ushaǵy Kýala-Lýmpýrdan Beıjińge baǵyt alǵan eken. Ushaq radardan jergilikti ýaqyt boıynsha 02.40 shamasynda, áýege kóterilgenine 19 mınýt bolǵanda joǵalyp ketken.
Jolaýshylardyń arasynda Reseı, Ýkraına, AQSh, Italııa, Frantsııa jáne Qytaı azamattary bolǵan.
