Malaızııa jáne Taılandtyń syrtqy ister mınıstrleri Mıanmaǵa barady

ASTANA. KAZINFORM — Mohamad Hasan men Marıt Sangıamphong gýmanıtarlyq kómekti úılestirý jáne qutqarý operatsııalaryna járdemdesý maqsatynda saparlaıdy. Bul týraly TASS habarlady.

Мьянмадағы жер сілкінісі: мерт болғандар саны 1700-ге жетті
Фото: Риа новости

Malaızııanyń syrtqy ister mınıstri Mohamad Hasan jáne Taılandtyń syrtqy ister mınıstri Marıt Sangıamphong 5 sáýirde jer silkinisinen zardap shekken Mıanmaǵa gýmanıtarlyq saparmen barady. Bul týraly Ońtústik-Shyǵys Azııa elderi qaýymdastyǵynyń (ASEAN) syrtqy ister mınıstrleri qabyldaǵan málimdemede aıtylǵan.

Qujatqa sáıkes, syrtqy ister mınıstrleri Mıanmaǵa gýmanıtarlyq kómekti úılestirý, qutqarý operatsııalaryna járdemdesý, sondaı-aq tabıǵı apattarmen kúres jónindegi ASEAN gýmanıtarlyq kómek kórsetý úılestirý ortalyǵymen ózara is-qımylda jedel jáne tıimdi gýmanıtarlyq jaýap berýdi qamtamasyz etý maqsatynda barady.

Bernama agenttiginiń Malaızııa SІM-ine silteme jasaı otyryp habarlaýynsha, bul sapar Kýala-Lýmpýrdyń Mıanma halqymen yntymaqtastyǵyn kórsetip, gýmanıtarlyq kómekti qajettilikterge sáıkes tıimdi jetkizýge yqpal etedi.

30 naýryzda ASEAN-ǵa tóraǵalyq etetin Malaızııa Mıanma men Taılandtaǵy jer silkinisiniń saldaryna baılanysty uıymǵa múshe elderdiń syrtqy ister mınıstrleriniń jedel beınekonferentsııa formatyndaǵy kezdesýin shaqyrdy. Qatysýshylar zardap shekken elderge gýmanıtarlyq kómek kórsetý maqsatynda tyǵyz yntymaqtasýǵa nıetti ekenin bildirdi. Buǵan deıin Malaızııanyń SІM eldiń Mıanmaǵa gýmanıtarlyq kómek kórsetý jáne jer silkinisiniń saldaryn joıý jónindegi 50 adamnan turatyn arnaıy top jiberetinin habarlaǵan bolatyn.

Aıta ketelik Mıanmadaǵy jer silkinisinen mert bolǵandar sany 1700-ge jetti.

Сейчас читают