Malaızııa jaǵalaýynda mıgranttar mingen keme apatynan qaza tapqandardyń sany 50-ge jetti
ASTANA. QazAqparat - Malaızııa jaǵalaýynda mıgranttar mingen keme apatynan qaza tapqandardyń sany 50-ge jetti, dep habarlady Frans Press agenttigi jergilikti bılikke silteme jasap.
Budan buryn 43 adam qaza tapqany belgili bolǵan.
Malaızııalyq teńiz keńistigin baqylaý agenttiginiń ókili Mohamad Hamdannyń málimdemesine sáıkes, qurbandar sany artýy yqtımal. «Biz taıaý kúnderi taǵy birneshe adamnyń múrdesin tabýymyz múmkin», - degen Hamdan sózin keltirdi agenttik.
Onyń aıtýynsha, izdeý áli úsh kún jalǵasady. Ol bortta shamamen 80 adam bolǵanyn málimdedi.
Sabak Bernam qalasyna jaqyn jerde Malakksk buǵazynda mıgranttar mingen aǵash qaıyq beısenbi kúni apatqa ushyrady. 20 adam qutqaryldy. Qaıtys bolǵandar múrdesi apat ornynan 15 shaqyrymdaı qashyqtyqta tabyldy. Agenttik aqparatyna súıensek, mıgranttar Malaızııa buǵazy arqyly Indonezııaǵa ótpekshi bolǵan.
Photo: Gregorio Borgia
