Malaızııa jaǵalaýynda keme apatynan qaza tapqan 20 adamnyń denesi tabyldy
ASTANA. QazAqparat - Qutqarýshylar 20 ındonezııalyq zańsyz mıgranttyń máıitin tapty. Olar Malaızııa jaǵalaýynda kemeniń apatqa ushyraýynan qaza tapty. Bul týraly sıngapýrlyq «Nıý Streıts taıms» gazetinen habarlandy.
Port-Klang qalasy polıtsııasynyń aqparatynsha, jergilikti turǵyndar shamamen 10 adamdy qutqardy. Sonymen qatar zańsyz 15 mıgrant qutqarylyp, aýrýhanaǵa jetkizildi. Bılik kemede qaza tapqandardyń sanyn naqty anyqtaı almaı otyr. Sońǵy aqparat boıynsha, keme bortynda shamamen 70 adam bolǵan.
Apat Selangor shtaty jaǵalaýynan 37 shaqyrym jerde oryn aldy. Іzdeý-qutqarý sharasyna birneshe keme, sonyń ishinde ÁTK kemeleri, áskerı avıatsııa tartyldy, dep habarlady TASS.
