Malaızııa jaǵalaýynda mıgranttar mingen qaıyq aýdarylyp, 13 adam qaza boldy

ASTANA. QazAqparat – Malaızııa jaǵalaýynda mıgranttar mingen qaıyq sýǵa batyp, 13 adam qaza tapty. Joǵalyp ketken ondaǵan adam izdestirilip jatyr, dep habarlaıdy Anadoly.

Malaızııanyń Teńiz atqarý agenttiginiń (MMEA) málimetinshe, musylman rohındja mıgranttaryn tasymaldap kele jatqan qaıyq apatqa ushyraǵannan keıin izdestirý-qutqarý jumystary eúrip jatyr.

Aldyn ala derekterge sáıkes, Mıanmadan Malaızııaǵa bet alǵan mıgranttar bastapqyda shamamen 300 adam mingen iri kememen shyqqan. Keıin olar úsh shaǵyn qaıyqqa bólinip otyrǵan.

Sol qaıyqtardyń birinde shamamen 70 adam bolǵan. Apat saldarynan qaıyq sýǵa batyp, qutqarýshylar ázirge 13 adamnyń denesin tapty. Taǵy 13 adam qutqarylǵan. Bılik ókilderi qaza tapqandardyń sany artýy múmkin ekenin eskertti.

Qalǵan eki qaıyqtaǵy shamamen 230 adamnyń taǵdyry ázirge belgisiz.

-Ońtústik-Shyǵys Azııa elderinde Mıanma men Bangladeshten shyqqan mıgranttar teńiz arqyly ótý kezinde jıi qaıǵyly oqıǵalarǵa tap bolady,-delingen habarlamada.

Osyǵan deıin BUU Eýropaǵa teńiz arqyly jetýge tyrysqan zańsyz mıgranttardyń kóbi qaza tabatyny týraly habarlaǵan edi.