Malaızııa ýnıversıteti qazaqstandyq túlekterge grant bóledi
ASTANA. QazAqparat - Malaızııadaǵy Albukhary International University az qamtylǵan jáne kópbalaly otbasylardan shyqqan túlekter úshin tegin bilim alý múmkindigin usynady, dep habarlaıdy «Bolashaq» halyqaralyq baǵdarlamalar ortalyǵy.
JOO jyl saıyn Malaızııanyń úzdik ýnıversıtetteriniń aldyńǵy qatarynda turady.
Ýnıversıtet az qamtylǵan otbasylardan shyqqan stýdentter úshin iskerlik ákimshilik bakalavrıvaty (Bachelor of Business Administration); marketıng salasyndaǵy bakalavrıat (Bachelor of Business Administration in Marketing); adamı resýrstardy basqarý salasyndaǵy bakalavrıat (Bachelor of Business Administration in Human Resources) syndy baǵdarlamalar boıynsha tegin oqý, tamaq jáne turatyn úı bóledi.
Qujattar 2018 jylǵy 30 qyrkúıekke deıin qabyldanady. Baıqaýǵa 18-25 jas aralyǵyndaǵy túlekter qatysa alady. Ýnıversıtetke qabyldaý talaptary týraly myna silteme boıynsha bilýge bolady.
